Англиянинг «Манчестер Юнайтед» ва «Ливерпуль» клублари 17 ёшли полшалик ҳужумчи Оскар Петушевский билан шартнома имзолаш имкониятларини кўриб чиқмоқда. Бу ҳақда The Record нашри хабар бермоқда.
Ҳужумчи катта футболдаги дебютини Польшанинг «Ягеллония» жамоасида амалга оширган, 2026 йилда эса Португалиянинг «Порту» клубига ўтган эди. Порлаётган ёш юлдузни аллақачон «янги Роберт Левандовски» деб аташмоқда.
Ҳозирча Англия грандлари «Порту»га расмий таклиф билан чиққани йўқ. Петушевскийнинг амалдаги шартномаси 2029 йилгача мўлжалланган. Португаллар эса шартнома муддатини узайтириб, унга 60 миллион евро миқдорида товон пули белгилашни режалаштирмоқда.
«Порту»га ўтганидан бери Петушевский янги клуби сафида 15 та ўйинда майдонга тушди. Ҳужумчи ўз ҳисобига 3 та гол ва 2 та голли узатмани ёздириб қўйишга улгурди.
