«Манчестер Сити» бош мураббийи Хосеп Гвардиола матбуот анжуманида ўйинлар тақвими ҳақида мулоҳаза юритди. Мутахассисдан Франциядаги вазиятга, яъни лига баҳорда «ПСЖ»нинг Чемпионлар лигасига яхшироқ тайёргарлик кўриши учун бир нечта ўйинларини кўчирганига муносабат билдиришини сўрашди.
«Бошқа мамлакатларда бундай ҳолатлар бўлиши мумкин, аммо Англияда ҳаммаси қандай бўлса шундайлигича қолади. Биз мослашишимиз керак. Агар бу сизга ёқмаса — Франция ёки Португалияга бориб мураббийлик қилинг. Менга шу ерда бўлиш ёқади. Ҳатто «Барселона»да бўлган вақтимда ҳам АПЛ мураббийлари тақвимдан тез-тез шикоят қилишларини кузатардим. Шу боис, бу ерда бошқача бўлишини кутмагандим», — деди Гвардиола.
Эслатиб ўтамиз, 4 май, душанба куни «Манчестер Сити» меҳмонда «Эвертон»га қарши баҳс олиб боради.
