«Manchester Siti» bosh murabbiyi Xosep Gvardiola matbuot anjumanida o‘yinlar taqvimi haqida mulohaza yuritdi. Mutaxassisdan Fransiyadagi vaziyatga, ya’ni liga bahorda «PSJ»ning Chempionlar ligasiga yaxshiroq tayyorgarlik ko‘rishi uchun bir nechta o‘yinlarini ko‘chirganiga munosabat bildirishini so‘rashdi.

«Boshqa mamlakatlarda bunday holatlar bo‘lishi mumkin, ammo Angliyada hammasi qanday bo‘lsa shundayligicha qoladi. Biz moslashishimiz kerak. Agar bu sizga yoqmasa — Fransiya yoki Portugaliyaga borib murabbiylik qiling. Menga shu yerda bo‘lish yoqadi. Hatto «Barselona»da bo‘lgan vaqtimda ham APL murabbiylari taqvimdan tez-tez shikoyat qilishlarini kuzatardim. Shu bois, bu yerda boshqacha bo‘lishini kutmagandim», — dedi Gvardiola.

Eslatib o‘tamiz, 4 may, dushanba kuni «Manchester Siti» mehmonda «Everton»ga qarshi bahs olib boradi.