«Реал» бош мураббийи Альваро Арбелоа ва жамоа ярим ҳимоячиси Дани Себальос ўртасида очиқчасига низо келиб чиқди. Таъкидланишича, ўзаро суҳбат футболчининг ташаббуси билан бўлиб ўтган.
Инсайдерларнинг таъкидлашича, Себальос бош мураббийга улар ўртасида шахсий муаммолар борлигини айтган ва бундан кейин у билан мулоқот қилмасликни сўраган. Ярим ҳимоячининг «Реал» билан шартномаси 2027 йилнинг ўрталаригача амал қилади, бироқ Себальос шу ёзда клубни тарк этмоқчи.
Клуб раҳбарияти Арбелоанинг позициясини қўллаб-қувватлагани айтилмоқда. «Реал» мутасаддиларининг фикрича, Себальос жорий мавсумда кам ўйин амалиётига эга бўлаётганини оқлаш учун атайлаб шундай низоли вазиятни юзага келтирмоқда.
