«Real» bosh murabbiyi Alvaro Arbeloa va jamoa yarim himoyachisi Dani Sebalyos o‘rtasida ochiqchasiga nizo kelib chiqdi. Ta’kidlanishicha, o‘zaro suhbat futbolchining tashabbusi bilan bo‘lib o‘tgan.
Insayderlarning ta’kidlashicha, Sebalyos bosh murabbiyga ular o‘rtasida shaxsiy muammolar borligini aytgan va bundan keyin u bilan muloqot qilmaslikni so‘ragan. Yarim himoyachining «Real» bilan shartnomasi 2027 yilning o‘rtalarigacha amal qiladi, biroq Sebalyos shu yozda klubni tark etmoqchi.
Klub rahbariyati Arbeloaning pozisiyasini qo‘llab-quvvatlagani aytilmoqda. «Real» mutasaddilarining fikricha, Sebalyos joriy mavsumda kam o‘yin amaliyotiga ega bo‘layotganini oqlash uchun ataylab shunday nizoli vaziyatni yuzaga keltirmoqda.
