"Lion" chap qanot himoyachisi qidirmoqda. Foot Mercato xabariga ko‘ra, jamoaga "Real"ning sobiq futbolchisi Marselo taklif qilingan.
Manbaga ko‘ra, fransuz klubi avvalroq "Chelsi"ga qaytgan Emersonga o‘rinbosar qidirmoqda. "Lion" 34 yoshli Marselo nomzodini ko‘rib chiqdi, biroq uning moliyaviy talablari juda yuqori deb topildi.
Avvalroq braziliyalik futbolchiga "Los-Anjeles"dan taklif tushgan, biroq u faoliyatini Yevropada davom ettirmoqchiligi xabar qilingandi.
Marselo 2007 yildan 2022 yilgacha "Real"da o‘ynagan. Jamoa bilan birgalikda u 25 ta sovrin, jumladan, Chempionlar ligasida 5 ta g‘alabani qo‘lga kiritdi.