"Лион" чап қанот ҳимоячиси қидирмоқда. Foot Mercato хабарига кўра, жамоага "Реал"нинг собиқ футболчиси Марсело таклиф қилинган.
Манбага кўра, француз клуби аввалроқ "Челси"га қайтган Эмерсонга ўринбосар қидирмоқда. "Лион" 34 ёшли Марсело номзодини кўриб чиқди, бироқ унинг молиявий талаблари жуда юқори деб топилди.
Аввалроқ бразилиялик футболчига "Лос-Анжелес"дан таклиф тушган, бироқ у фаолиятини Европада давом эттирмоқчилиги хабар қилинганди.
Марсело 2007 йилдан 2022 йилгача "Реал"да ўйнаган. Жамоа билан биргаликда у 25 та соврин, жумладан, Чемпионлар лигасида 5 та ғалабани қўлга киритди.
