«Манчестер Сити» бош мураббийи Хосеп Гвардиола клубдаги фаолияти давомида қабул қилган фақат биргина қароридан афсусда эканини тан олди. Испаниялик мутахассис дарвозабон Жо Хартга ўзини кўрсатиш учун имкон бермаганини ёдга олди. Пеп тайинлангач, англиялик дарвозабон жамоани тарк этишга мажбур бўлган эди.
«Бир нарсани тан олмоқчиман. Юрагимнинг туб-тубида фақат битта афсусим бор: мен Хартга қай даражада яхши дарвозабон эканини исботлаш учун имконият бермадим. Мен буни қилишим керак эди. Баъзида биз хатоларга йўл қўямиз», – деди Гвардиола Sky Sports билан суҳбатда.
«Манчестер Сити»дан кетгач, Жо Харт «Торино», «Вест Хэм», «Бёрнли», «Тоттенхэм» ва «Селтик» клубларида тўп суришга улгурди. Дарвозабон 2024 йилда ўз фаолиятини якунлади. Хосеп Гвардиола 2016 йилда «Сити» бошқарувини қўлга олган эди. Жорий мавсум якунида у клубни тарк этади.
