«Manchester Siti» bosh murabbiyi Xosep Gvardiola klubdagi faoliyati davomida qabul qilgan faqat birgina qaroridan afsusda ekanini tan oldi. Ispaniyalik mutaxassis darvozabon Jo Xartga o‘zini ko‘rsatish uchun imkon bermaganini yodga oldi. Pep tayinlangach, angliyalik darvozabon jamoani tark etishga majbur bo‘lgan edi.
«Bir narsani tan olmoqchiman. Yuragimning tub-tubida faqat bitta afsusim bor: men Xartga qay darajada yaxshi darvozabon ekanini isbotlash uchun imkoniyat bermadim. Men buni qilishim kerak edi. Ba’zida biz xatolarga yo‘l qo‘yamiz», – dedi Gvardiola Sky Sports bilan suhbatda.
«Manchester Siti»dan ketgach, Jo Xart «Torino», «Vest Xem», «Byornli», «Tottenxem» va «Seltik» klublarida to‘p surishga ulgurdi. Darvozabon 2024 yilda o‘z faoliyatini yakunladi. Xosep Gvardiola 2016 yilda «Siti» boshqaruvini qo‘lga olgan edi. Joriy mavsum yakunida u klubni tark etadi.
