«Барселона» футболчиси Ламин Ямаль янги муносабатларни бошлади. Уни инфлюенсер Инес Гарсия билан бирга кўришди. Аввалига жуфтлик Грециядаги биргаликдаги дам олиш вақтида пайқалган бўлса, кейинчалик Ямаль ўзидан уч ёш катта бўлган Инесни «Барселона»нинг чемпионлик базмига олиб келди.
Кейинроқ Гарсия тахминан беш йил давомида учрашиб юрган йигитини Ямаль учун ташлаб кетгани ҳақидаги миш-мишларни рад этди. Ноябрь ойида Ламин Ямаль хонанда Ники Николь билан ажрашганини тасдиқлаган эди. Ўшанда қизни ёш футболчининг оиласи қабул қилмагани ҳақида гап-сўзлар тарқалганди.
Яқин орада Ямаль Испания терма жамоаси таркибида йўл оладиган ЖЧ-2026 турнирига тайёргарлик кўришни бошлайди.
