"Galatasaroy" "Lion" bilan himoyachi Leo Dyubua transferi bo‘yicha kelishuvga erishdi, deb xabar beradi Foot Mercato. Avvalroq, "Fulxem" fransuz klubi futbolchisini sotib olmoqchi edi.
27 yoshli himoyachini qo‘lga kiritish "Galatasaroy"ga 500 ming yevro bonuslar bilan birga 2,5 million yevroga tushadi. Manbaga ko‘ra, transferdan oldin ba’zi tafsilotlar hal qilinishi kerak.
2021/22 yilgi mavsumda Dyubua "Lion" tarkibida 28 ta o‘yinda 3 ta golli uzatmani amalga oshirgan. Transfermarkt.com portali futbolchining narxini 10 million yevroga baholamoqda.
