"Галатасарой" "Лион" билан ҳимоячи Лео Дюбуа трансфери бўйича келишувга эришди, деб хабар беради Foot Mercato. Аввалроқ, "Фулхэм" француз клуби футболчисини сотиб олмоқчи эди.
27 ёшли ҳимоячини қўлга киритиш "Галатасарой"га 500 минг евро бонуслар билан бирга 2,5 миллион еврога тушади. Манбага кўра, трансфердан олдин баъзи тафсилотлар ҳал қилиниши керак.
2021/22 йилги мавсумда Дюбуа "Лион" таркибида 28 та ўйинда 3 та голли узатмани амалга оширган. Transfermarkt.com портали футболчининг нархини 10 миллион еврога баҳоламоқда.
