"Lion" "Betis" yarim himoyachisi Villyam Karvalyoga qiziqish bildirmoqda.

Portugaliyalik futbolchining "Betis" bilan shartnomasi kelasi yozda tugaydi va u shartnomani uzaytirish niyatida emasligini allaqachon ma’lum qilgan. Demak, joriy mavsum oralig‘i "Betis" uchun futbolchining transferini amalga oshirish uchun so‘nggi imkoniyat bo‘lishi mumkin.

Lequpie xabariga ko‘ra, "Lion" bosh murabbiyi Peter Bosh portugaliyalik yarim himoyachi yordamida Fransiya klubi tarkibini kuchaytirishga umid qilmoqda. Taxminiy transfer 10 million yevroga baholanmoqda.

O‘tgan mavsumda futbolchi Ispaniya chempionatida 33 ta o‘yinda maydonga tushib, 2 ta gol urdi va 3 ta golli uzatmani amalga oshirdi.