"Лион" "Бетис" ярим ҳимоячиси Вилльям Карвальога қизиқиш билдирмоқда.

Португалиялик футболчининг "Бетис" билан шартномаси келаси ёзда тугайди ва у шартномани узайтириш ниятида эмаслигини аллақачон маълум қилган. Демак, жорий мавсум оралиғи "Бетис" учун футболчининг трансферини амалга ошириш учун сўнгги имконият бўлиши мумкин.

Lequpie хабарига кўра, "Лион" бош мураббийи Петер Бош португалиялик ярим ҳимоячи ёрдамида Франция клуби таркибини кучайтиришга умид қилмоқда. Тахминий трансфер 10 миллион еврога баҳоланмоқда.

Ўтган мавсумда футболчи Испания чемпионатида 33 та ўйинда майдонга тушиб, 2 та гол урди ва 3 та голли узатмани амалга оширди.