"Atalanta" o‘z hujumchisi Duvan Sapatani "Nyukasl"ga sotishga tayyor.

"Nyukasl" qishki transfer oynasida allaqachon hujumchi sotib olishga harakat qilgan, ammo keyin o‘tish amalga oshmagan. O‘tgan haftada "Nyukasl" futbolchining transferi bo‘yicha muzokaralarni davom ettirdi va bu safar transfer realroq ko‘rinadi, deb xabar beradi L’Eco di Bergamo.

Sapataning shartnomasi ikki yildan keyin tugaydi. "Atalanta" futbolchidan qutulishni istamoqda va uning transferi uchun pul ishlashga qarshi emas. "Atalanta" prezidenti Antonio Perkassi "Nyukasl" 25 million yevro ajratsa, Sapataning sotilishiga qarshilik qilmaydi.

O‘tgan mavsumda futbolchi A Seriyada 24 ta o‘yinda maydonga tushib, 10 ta gol urdi va 4 ta golli uzatmani amalga oshirdi.