O‘zbekiston milliy terma jamoasi sobiq futbolchisi Vitaliy Denisov faoliyatini «So‘g‘diyona»da davom ettiradigan bo‘ldi. Bugun 35 yoshli futbolchiga «So‘g‘diyona» klubi a’zosi sifatida futbolka topshirildi.
Hozircha klub matbuot xizmati bu haqda rasmiy ma’lumot tarqatmadi. Shu bois, Denisov jizzaxliklar bilan qancha muddatga shartnoma imzolagani haqida ma’lumot berilmadi.
Eslatib o‘tamiz, Vitaliy Denisovning so‘nggi klubi Rossiyaning "Baltika" jamoasi bo‘lgandi. Hamyurtimiz bu klubni qishda tark etgandi.
