Daily Mirror xabariga ko‘ra, "Chelsi" yarim himoyachi Ross Barklini shu yozda sotish niyatida.
Manbaga ko‘ra, londonliklar 28 yoshli angliyalikni o‘z safiga qo‘shib olishni "Aston Villa" va "Everton"ga taklif qilgan.
Barkli "Everton" tarbiyalanuvchisi, u 2018 yilning yanvarida bu jamoadan "Chelsi"ga o‘tgan edi. Futbolchi 2020/21 yilgi mavsumda "Aston Villa"da ijara asosida o‘ynagan.
2021/22 yilgi mavsumda Barkli "Chelsi" safida 14 ta o‘yinda 1 ta gol urgan. Transfermarkt.com portali futbolchining narxini 12 million yevroga baholamoqda.