Daily Mirror хабарига кўра, "Челси" ярим ҳимоячи Росс Барклини шу ёзда сотиш ниятида.
Манбага кўра, лондонликлар 28 ёшли англияликни ўз сафига қўшиб олишни "Астон Вилла" ва "Эвертон"га таклиф қилган.
Баркли "Эвертон" тарбияланувчиси, у 2018 йилнинг январида бу жамоадан "Челси"га ўтган эди. Футболчи 2020/21 йилги мавсумда "Астон Вилла"да ижара асосида ўйнаган.
2021/22 йилги мавсумда Баркли "Челси" сафида 14 та ўйинда 1 та гол урган. Transfermarkt.com портали футболчининг нархини 12 миллион еврога баҳоламоқда.