CAFA ga a’zo assosiasiyalarning mutaxassislari uchun 19-20-iyul kunlari Tojikiston poytaxtida ikki kunlik MC seminari boshlandi.
Seminar ishtirokchilarga sohadagi so‘nggi yangiliklar o‘rgatilib, ayrim yo‘nalishlar yuzasidan ko‘nikmalar berilmoqda. Bu orqali mutaxassislarga CAFA musobaqalarida MC sifatida faoliyat olib borish imkoniyatini taqdim etish maqsad qilingan.
Seminar davomida ishtirokchilar turli vaziyatlarni ko‘rib chiqib, MC ga oid misollarni tahlil qilmoqdalar. Darslar davomida, shuningdek, musobaqalar, xavfsizlik, marketing va OAV mavzulariga oid seminarlar ham tashkil etilmoqda. Bu — ishtirokchilarning bilimlarini oshirish va xalqaro tajribalarini mustahkamlashga yordam beradi.
Seminarning so‘nggi kunida ishtirokchilar o‘z bilim va mahoratlarini FIFA musobaqalarini boshqarish tizimining onlayn testi orqali sinovdan o‘tkazadilar.
Ma’lumot uchun, seminarda O‘FA mutaxassislari Adelya Kurmayeva va Yoqubjon Sohibov ishtirok etmoqda.
