CAFA га аъзо ассоциацияларнинг мутахассислари учун 19-20-июл кунлари Тожикистон пойтахтида икки кунлик МC семинари бошланди.
Семинар иштирокчиларга соҳадаги сўнгги янгиликлар ўргатилиб, айрим йўналишлар юзасидан кўникмалар берилмоқда. Бу орқали мутахассисларга CAFA мусобақаларида МC сифатида фаолият олиб бориш имкониятини тақдим этиш мақсад қилинган.
Семинар давомида иштирокчилар турли вазиятларни кўриб чиқиб, МC га оид мисолларни таҳлил қилмоқдалар. Дарслар давомида, шунингдек, мусобақалар, хавфсизлик, маркетинг ва ОАВ мавзуларига оид семинарлар ҳам ташкил этилмоқда. Бу — иштирокчиларнинг билимларини ошириш ва халқаро тажрибаларини мустаҳкамлашга ёрдам беради.
Семинарнинг сўнгги кунида иштирокчилар ўз билим ва маҳоратларини ФИФА мусобақаларини бошқариш тизимининг онлайн тести орқали синовдан ўтказадилар.
Маълумот учун, семинарда ЎФА мутахассислари Аделя Курмаева ва Ёқубжон Соҳибов иштирок этмоқда.
