“Bavariya”dan “Barselona”ga o‘tgan polshalik hujumchi Robert Levandovski Kataloniya klubi tarixidagi “oltin butsa” yutgan to‘qqizinchi futbolchiga aylandi, deb xabar beradi “ko‘k-anorranglilar” rasmiy sayti.
Gap UEFA tarkibiga kiruvchi mamlakatlar milliy chempionatlarining eng yaxshi to‘purariga aylangan futbolchilar haqida ketmoqda. Klub qayd etishicha, avvalroq avstriyalik Xans Krankl, bolgariyalik Xristo Stoichkov, braziliyalik Ronaldo, shved Xenrik Larsson, fransiyalik Tyerri Anri, urugvaylik Luis Suares va argentinalik Lionel Messi “oltin butsa” sovrindoriga aylangan.
Qizig‘i shundaki, "Barselona" ushbu ro‘yxatga Xuan Antonio Pissini ham kiritgan, u 1995/1996 yilgi mavsumda 31 ta gol bilan Ispaniya chempionatida to‘purarlik poygasida g‘olib chiqqan. Biroq, 1992 yildan 1996 yilgacha bo‘lgan davrda butun Yevropada "oltin butsa" rasman topshirilmagan.
Robert Levandovski o‘tgan mavsumda Bundesliganing 34 o‘yinida 35 ta gol urgan va "Bavariya" uchun barcha musobaqalarda 46 o‘yinda jami 50 ta gol urgan.
