“PSJ” “RB Leypsig” himoyachisi Nordi Mukiyelega e’tibor qaratmoqda. Jurnalist Adriyen Greniyerning ijtimoiy tarmoqlarda yozishicha, "buqalar" futbolchisi Luis Kamposning asosiy maqsadlaridan biri.

Kampos "PSJ"da universal himoyachi bilan shartnoma imzolamoqchi ekani avvalroq xabar qilingandi. Ma’lum bo‘lishicha, gap markazda ham, himoya qanotida ham o‘ynay oladigan Mukiyele haqida ketayotgan edi.

Qayd etilishicha, transfer summasi 15 million yevro bo‘lishi kerak. "PSJ" bosh murabbiyi Kristof Galtye allaqachon transferga ruxsat bergan.