"Real Madrid" o‘zining uy stadioni "Santyago Bernabeu"ni ta’mirlash uchun kredit olishni rejalashtirmoqda. Bu haqda Mundo Deportivo sahifalarida xabar berildi.

Ispaniyalik jurnalistlarning yozishicha, “qirollik klubi” rahbariyati 150-200 million yevro miqdorida kredit olmoqchi. Qayd etilishicha, futbol arenasini rekonstruksiya qilishning umumiy qiymati bir milliard yevrodan oshadi.

Madrid grandi o‘tgan mavsumni muvaffaqiyatli o‘tkazdi. Italiyalik murabbiy Karlo Anchelotti boshchiligidagi jamoa Ispaniya chempioni bo‘ldi, Chempionlar ligasida g‘alaba qozondi.