Xabaringiz bor, poytaxtimiz Toshkent shahri og‘ir atletika bo‘yicha o‘smirlar va yoshlar o‘rtasidagi Osiyo chempionatiga mezbonlik qilmoqda.

Qizlar o‘rtasida -71 kg vazn toifasida A guruhi bahslarida dast ko‘tarish mashqida Dilnoza Fayzullayeva o‘zining barcha urinishlaridan unumli foydalandi (76, 80 , 82 ) va natijada kumush medalga ega chiqdi.

Siltab ko‘tarish mashqida esa Gulshodaxon Dadamirzayevaga omad kulib boqdi, u 97 kg vaznni o‘ziga bo‘ysundirib, kumush medalni qo‘lga kiritdi. Fayzullayeva siltab ko‘tarish mashqida sovrinli o‘rinlardan quruq qoldi. Shunga qaramay ikkikurash natijasiga ko‘ra Dilnoza Fayzullayeva bronza medali sohibasiga aylandi.

O‘smirlar o‘rtasida -59 kg vazn toifasida Sitora Ko‘paysinova dast ko‘tarish mashqida bronza medalini qo‘lga kiritdi.

Natijada Dilnoza Fayzullayeva 1ta kumush va 1ta bronza, Gulshodaxon Dadamirzayeva 1ta kumush hamda Sitora Ko‘paysinova bronza medalni mamlakatimiz sport delegasiyasi hisobiga qo‘shib qo‘yishdi.

Shu tariqa, beshinchi kungi belashuvlarda hamyurtlarimiz 4ta medal qo‘lga kiritishdi.