“Di Si Yunayted” matbuot xizmati rasmiy saytida yamaykalik yarim himoyachi Ravel Morrisonning transferi haqida xabar berdi.

Futbolchi erkin agent edi, shuning uchun u Amerika klubiga tekinga yo‘l oldi. Klub bosh murabbiyi UYEyn Runining shaxsan o‘zi yarim himoyachining taklifini talab qilgan.

29 yoshli Morrison avvalroq “Manchester Yunayted”, “Vest Xem”, “Birmingem”, “Kuinz Park Reynjers”, “Kardiff Siti”, “Lasio”, “Atlas”, “Estersund”, “Sheffild Yunayted”, “Midlsbro”, “ADO Den Xaag” va “Derbi Kaunti” klublarida o‘ynagan. U Yamayka terma jamoasi safida 13 ta o‘yinda maydonga tushib, 2 ta gol urgan.