"Roma" yarim himoyachisi Nikolo Dzanyolo "Tottenxem"ga o‘tishi mumkin.
Ingliz klubi nomidan muzokaralarni sport direktori Fabio Paratichi olib bormoqda. Rimliklar argentinalik Paulo Dibalani qo‘lga kiritgandan so‘ng yarim himoyachini sotishga tayyor, ammo ular 50 million yevro olishni istashmoqda.
23 yoshli Dzanyolo o‘tgan mavsumda "Roma" safida barcha turnirlarda 42 ta o‘yinda maydonga tushib, 8 ta gol urdi va 9 ta golli uzatmani amalga oshirdi. Uning klub bilan shartnomasi 2024 yilning yoziga qadar mo‘ljallangan.
