Sadio Mane "Liverpul" vingeri Saloh bilan o‘zaro mojaro borligini inkor qildi.
"Ba’zida ular Saloh bilan men o‘rtamizda raqobat bo‘lganini aytishadi, lekin, bilasizmi, rostini aytsam, men hech qanday futbolchi bilan raqobatlashmayman.
Munosabatlarimiz yaxshi, yozishmalarimiz bor. Menimcha, ommaviy axborot vositalari doimo vaziyatni yanada kuchaytirishga harakat qiladi.
Bilasizmi, men faqat bitta o‘yinchi bilan emas, balki yonimda o‘ynagan barcha bilan munosabatlar o‘rnataman.
Bu haqda klubdagi istalgan odamdan so‘rashingiz mumkin. Men barcha futbolchilar bilan yaxshi munosabatdaman”, - deydi “Bavariya”ga yangi kelgan futbolchi.
