Fransiya terma jamoasi himoyachisi Benjamen Pavar “Bavariya”ni tark etishga yaqin turibdi, deya xabar beradi Bild.
Manbaga ko‘ra, fransiyalik futbolchining xizmatlariga Angliya premyer-ligasining ikki giganti qiziqish bildirmoqda. Gap Londonning “Chelsi” va “Manchester Yunayted” jamoalari haqida ketmoqda.
Futbolchiga Turinning "Yuventus" va "Atletiko" klublari ham qiziqish bildirishgan, ammo bu klublar hali muzokaralarga tayyor emas.
26 yoshli himoyachi myunxenliklar safiga 2019 yilning yozida kelib qo‘shilgandi. Uning klub bilan amaldagi shartnomasi 2024 yilning o‘rtalariga qadar mo‘ljallangan. Pavarning transfer narxi 30 million yevroga baholanmoqda.













