"Napoli" prezidenti Aurelio De Laurentis himoyachi Kalidu Kulibalining "Chelsi"ga ketishiga izoh berdi.
“Men Kulibalining ketishiga ruxsat berdim, chunki u mendan iltimos qildi. "Barselona" taklif bilan keldi, lekin pullari yo‘q edi, chunki klub qarzga botgan. Keyin esa “Chelsi” ham taklif bilan chiqdi. Mavsumiga 6 million yevro taklif qilib, uni saqlab qolish uchun bor kuchimni sarflaganimga qaramay, Kulibalidek futbolchini saqlab qola olmadik.
Ammo agar futbolchi dunyoning eng yaxshi ligasida, nufuzli klubda yangi tajribaga ega bo‘lishni istasa, devor qurish emas, qo‘yib yuborish kerak", - dedi De Laurentis.
Kulibali "Chelsi" bilan 2026 yilgacha shartnoma imzoladi.
Futbolchi o‘tgan mavsumda neapolliklar safida 34 ta o‘yinda maydonga tushib, 3 ta gol urdi va 3 ta golli uzatmani amalga oshirdi.