"Наполи" президенти Аурелио Де Лаурентис ҳимоячи Калиду Кулибалининг "Челси"га кетишига изоҳ берди.
“Мен Кулибалининг кетишига рухсат бердим, чунки у мендан илтимос қилди. "Барселона" таклиф билан келди, лекин пуллари йўқ эди, чунки клуб қарзга ботган. Кейин эса “Челси” ҳам таклиф билан чиқди. Мавсумига 6 миллион евро таклиф қилиб, уни сақлаб қолиш учун бор кучимни сарфлаганимга қарамай, Кулибалидек футболчини сақлаб қола олмадик.
Аммо агар футболчи дунёнинг энг яхши лигасида, нуфузли клубда янги тажрибага эга бўлишни истаса, девор қуриш эмас, қўйиб юбориш керак", - деди Де Лаурентис.
Кулибали "Челси" билан 2026 йилгача шартнома имзолади.
Футболчи ўтган мавсумда неаполликлар сафида 34 та ўйинда майдонга тушиб, 3 та гол урди ва 3 та голли узатмани амалга оширди.
