Бразилия терма жамоаси ҳужумчиси Рафинья олган жароҳати туфайли ушбу жаҳон чемпионатида бошқа майдонга тушмаслиги мумкин. Бу ҳақда футбол инсайдери Хави Эрнандес Наварро ёзмоқда.
Гаитига қарши ўйинда (3:0) Рафинья тизза ости пайларини шикастлаб олди ва учрашувни давом эттира олмади. У биринчи бўлим охирида алмаштирилди. Наварронинг таъкидлашича, Рафиньяда бу аввал олган жароҳатнинг қайталанишидир. Унинг мундиалда жамоанинг қолган ўйинларида иштирок этиши деярли имконсиз.
Бразилия икки турдан сўнг 4 очко билан C гуруҳида етакчилик қилмоқда. 25 июнь куни Карло Анчелотти жамоаси гуруҳ босқичидаги сўнгги ўйинни Шотландияга қарши ўтказади.
