"Atletiko Madrid" "Manchester Yunayted" hujumchisi Krishtianu Ronalduni qo‘lga kiritish uchun hujumchi Antuan Grizmanndan qutulishi mumkin.
Ma’lumotlarga ko‘ra, "Atletiko" Ronaldu bilan shartnoma imzolash uchun maoshni tushirishi kerak. Oldinroq portugaliyalik hujumchi Madridning "Atletiko"siga o‘tishga rozi bo‘lgani haqida xabar berilgandi.
Oldinroq "Atletiko" Antuan Grizmanning ijara shartnomasini ikkinchi yilga uzaytirish variantini faollashtirgani xabar qilingandi.
Ronaldu 2021 yildan beri "Manchester Yunayted" sharafini himoya qilib kelmoqda. Portugaliyalik hujumchining klub bilan shartnomasi 2023 yilgacha mo‘ljallangan.