"Milan" himoyachisi Pyer Kalyulyu jurnalistlar bilan yangi mavsumdagi umidlari bilan o‘rtoqlashdi.

«Biz A Seriyada ketma-ket ikki marta g‘alaba qozonish qiyin bo‘lishini bilamiz. Chempionlar ligasida ham yaxshi taassurot qoldirmoqchimiz.

Men har tomonlama o‘sishni xohlayman: texnik, psixologik va maydonda kuchliroq bo‘lishni o‘rganmoqchiman», - deydi Kalyulyu Milan TVga bergan intervyusida.

Himoyachi jamoa hali yangi mavsumga ideal darajada tayyor emasligini, ammo buni 13 avgustga qadar tuzatishi kerakligini ta’kidladi.

«Bu mavsumda ko‘proq o‘yinlar bo‘ladi, oldinda jahon chempionati. Balki futbolchilar charchab qolishar, lekin muxlislar zavq olishadi», - deya qo‘shimcha qildi Kalyulyu.

O‘tgan mavsumda "Milan" A seriya g‘olibiga aylandi. Futbolchi A seriyada 28 ta o‘yinda maydonga tushib, 1 ta gol urdi va 2 ta golli uzatmani amalga oshirdi.