"Barselona" hujumchi Memfis Depayni "Sevilya" himoyachisi Jyul Kunde bilan shartnomaga qo‘shib olmoqchi, deya xabar beradi jurnalist Florian Plettenberg.

Manbaga ko‘ra, "Sevilya" Kataloniya klubining taklifiga rozi bo‘lmagan.

Avvalroq, "ko‘k-anorranglilar" bosh murabbiyi Xavi 28 yoshli niderlandiyalik futbolchiga yangi klub izlashni maslahat bergani, aks holda u butun mavsumni zaxira o‘rindig‘ida o‘tkazishi haqida xabar berilgandi.

Depay o‘tgan mavsumda kataloniyaliklar safida 37 ta o‘yinda 13 ta gol urdi va 2 ta golli uzatmani amalga oshirdi. Yarim himoyachining klub bilan shartnomasi 2023 yilning 30 iyuniga qadar mo‘ljallangan.