"Барселона" ҳужумчи Мемфис Депайни "Севилья" ҳимоячиси Жюл Кунде билан шартномага қўшиб олмоқчи, дея хабар беради журналист Флориан Плеттенберг.

Манбага кўра, "Севилья" Каталония клубининг таклифига рози бўлмаган.

Аввалроқ, "кўк-анорранглилар" бош мураббийи Хави 28 ёшли нидерландиялик футболчига янги клуб излашни маслаҳат бергани, акс ҳолда у бутун мавсумни захира ўриндиғида ўтказиши ҳақида хабар берилганди.

Депай ўтган мавсумда каталонияликлар сафида 37 та ўйинда 13 та гол урди ва 2 та голли узатмани амалга оширди. Ярим ҳимоячининг клуб билан шартномаси 2023 йилнинг 30 июнига қадар мўлжалланган.