"Sevilya" sport direktori Ramon Monchi himoyachi Jyul Kundening "Barselona"ga sotilishi tafsilotlarini oshkor qildi. Eslatib o‘tamiz, fransiyalik futbolchi "Kamp Nou"ga taxminan 55 million yevro evaziga o‘tdi.
"O‘tgan payshanba kuni biz "Chelsi" bilan kelishuvga erishdik, futbolchi ham ko‘chib o‘tishga tayyor edi, ammo ularning rahbariyati va’dasini bajarmadi. Ular kutishga qaror qilishdi va ular qaytib kelgach, "Barselona" yaxshiroq taklif bilan chiqdi", deya Monchining so‘zlaridan iqtibos keltirdi jurnalist Ruben Uria.
Eslatib o‘tamiz, Kunde bilan muvaffaqiyasizlikdan so‘ng "Chelsi" "Lester"dan Uesli Fofanga e’tibor qaratgandi.