"Yuventus" "Barselona" hujumchisi Memfis Depayga qiziqish bildirmoqda, deya xabar beradi Sky Sports.
Turinliklar 28 yoshli futbolchini qishda, "Barselona"ning qiziqishi tufayli Alvaro Moratani yo‘qotish xavfi mavjud bo‘lgan vaqtda taklif qilish variantini ko‘rib chiqishgan. Endi klub yana hujum chizig‘ida mustahkamlovchilarni qidirmoqda, shuning uchun ular niderlandiyalikni ijaraga olishni rejalashtirmoqda. "Barsa" Depayni sotmoqchi.
Avvalroq, hujumchining o‘zi Kataloniya jamoasini tark etishni istamagani haqida ma’lumotlar bor edi. O‘tgan mavsumda u "Barsa" tarkibida 37 o‘yinda 13 ta gol urdi va 2 ta golga assistentlik qildi.