"Ювентус" "Барселона" ҳужумчиси Мемфис Депайга қизиқиш билдирмоқда, дея хабар беради Sky Sports.
Туринликлар 28 ёшли футболчини қишда, "Барселона"нинг қизиқиши туфайли Альваро Моратани йўқотиш хавфи мавжуд бўлган вақтда таклиф қилиш вариантини кўриб чиқишган. Энди клуб яна ҳужум чизиғида мустаҳкамловчиларни қидирмоқда, шунинг учун улар нидерландияликни ижарага олишни режалаштирмоқда. "Барса" Депайни сотмоқчи.
Аввалроқ, ҳужумчининг ўзи Каталония жамоасини тарк этишни истамагани ҳақида маълумотлар бор эди. Ўтган мавсумда у "Барса" таркибида 37 ўйинда 13 та гол урди ва 2 та голга ассистентлик қилди.