Davralar oralig‘ida Mirjalol Qosimov boshchiligidagi AGMK jamoasi o‘z safiga yangi futbolchilarni qo‘shib olishda davom etmoqda.
"Jamoamiz yozgi transfer oynasidagi oxirgi kelishuvga erishdi.
Erkin agent maqomidagi tajribali futbolchi, Gruziya futboli yulduzlaridan biri — Giorgi Papava tayanch yarim himoyachi sanaladi.
AGMK futbol klubi «Dinamo» Tbilisi jamoasining ko‘p yillik sardori — Giorgi Papava bilan yarim yillik shartnoma imzoladi.
Faoliyatini «Dinamo» Tbilisida boshlagan, keyinchalik Kiprning «Nea Salamina» jamoasida o‘ynagan va Gruziyada «Dila Gori» hamda «Rustavi» klublarida ham to‘p tepgan Papava oxirgi 4 mavsumni «Dinamo» Tbilisida jamoa sardori sifatida o‘tkazdi va 4 marotaba Gruziya chempionligiga erishib, 3 bor mamlakat kubogini qo‘lga kiritgan. Giorgi Papava Chempionlar ligasi, Yevropa ligasi va Konferensiyalar ligasida maydonga tushgan.
Papava faoliyati davomida 267 o‘yin o‘tkazgan va raqiblari darvozasiga 7 marotaba gol urgan.
Umid qilamizki, Giorgi AGMK bilan ham O‘zbekiston Superligasida chempionlikni qo‘lga kiritadi.
AGMK ahil oilasiga xush kelibsan, Giorgi!" - deyiladi AGMK rasmiy bayonotida.
&description=Davralar%20oralig%26amp%3Blsquo%3Bida%20Mirjalol%20Qosimov%20boshchiligidagi%20AGMK%20jamoasi%20o%26amp%3Blsquo%3Bz%20safiga%20yangi%20futbolchilarni%20qo%26amp%3Blsquo%3Bshib%20olishda%20davom%20etmoqda.&image=%2Fimages%2Fnews%2F%D0%B0%D0%B3%D0%BC%D0%BA%D0%BB%D0%BE%D0%B3%D0%BE.jpg&noparse=true){kind=link}