“Vilyarreal” yangi mavsumga tayyorgarlik doirasida shanba kuni “Sautgempton”ga qarshi o‘rtoqlik uchrashuvi o‘tkazdi. Ijtimoiy tarmoqlarda ispan jamoasi ustozi Unai Emeri "Sent-Meris" stadioni tashqarisida dastxat qo‘ygani aks etgan video paydo bo‘ldi.
Muxlislar orasidan bir necha kishi murabbiy haqida hazil qila boshladi. Muxlislardan biri Emeridan “Good ebening” (Ispaniyalik murabbiy Angliyada ishlaganida salomni shunday noto‘g‘ri talaffuz qilgan) iborasini aytishni so‘ragan bo‘lsa, yana biri Unaiga “Arsenal”da “yaxshi” ishi borligini aytdi.
Bu masxaralarga javoban Unai Emeri kutilmaganda kameraga o‘rta barmog‘ini ko‘rsatdi.
