"Sevilya" klubidan shu yozda "Barselona"ga ko‘chib o‘tgan fransiyalik himoyachi Jyul Kunde keyingi 5 yil ichida Kataloniya klubida bonuslarni hisobga olmaganda 57,5 million yevro ishlab oladi, deb xabar beradi Cadena SER.
Manbaga ko‘ra, Kunde "Barselona"dagi birinchi yilida 9,5 million yevro ishlab oladi va keyingi to‘rt yil ichida soliqdan oldin 12 million yevro ishlab oladi. Shuningdek, 23 yoshli futbolchining shartnomasida o‘ynagan 60 foiz o‘yin uchun 2 million yevro va qo‘lga kiritilgan unvonlar uchun 1 million yevro miqdorida bonuslar belgilangan.
Transfer summasi 50 million yevroni tashkil etdi va turli bonuslarni hisobga olganda, bu 62,5 milliongacha oshishi mumkin.
Avvalroq Kundening o‘zi Londonning "Chelsi" jamoasiga borishi mumkinligini tan olgandi, biroq "ko‘k-anorranglilar" prezidenti Joan Laporta, klub muxlislari va bosh murabbiy Xavining mehrini his qilib, futbolchi bilan shartnoma imzolashga juda qiziqqan "Barselona"ni tanlagan edi. .
Kunde o‘tgan mavsumda “Sevilya” safida 44 ta o‘yinda maydonga tushib, 3 ta gol urdi va bitta golli uzatmani amalga oshirdi.
Transfermarkt portali Fransiya terma jamoasi futbolchisini 60 million yevroga baholamoqda.
