"Tottenxem" bosh murabbiyi Antonio Konte shartnomasini uzaytirishda muammolarga duch kelishini aytdi.
"Ochig‘ini aytishim kerak, faoliyatimda shartnoma hech qachon muhim bo‘lmagan. Men bir yil, ikki yoki uch yilga shartnoma imzolashim shart emas. Klub uchun ham bu yuk bo‘lishi mumkin.
Takror aytaman, men pul evaziga shartnoma imzolashi kerak bo‘lgan murabbiy emasman. Menda bu ish uchun ishtiyoq bo‘lishi yetarli", - deya Kontening so‘zlarini keltiradi Football London.
2022/23 yilgi mavsum Kontening London klubi bilan shartnomasidagi so‘nggi yil hisoblanadi.
