"Barselona" hujumchisi Pyer-Emerik Obameyang ushbu transfer oynasida Angliyaga qaytishi mumkin.
Jurnalist Fabrisio Romanoning Twitter sahifasida xabar berishicha, "Chelsi" 33 yoshli gabonlik futbolchini yangi hujumchi sifatida ko‘rmoqda. Futbolchi bilan birinchi aloqalar allaqachon amalga oshirilgan, biroq hozircha "Barselona"ga rasmiy taklif tushmagan.
Obameyang 2022 yilning qishida "Arsenal"dan "Barselona"ga o‘tgan edi. O‘shandan beri u kataloniyaliklar safida 23 ta o‘yin o‘tkazib, 13 ta gol va 1 ta golli uzatmani amalga oshirgan.