Londonning “Tottenxem” klubi Rimning “Roma” klubi yarim himoyachisi Nikolo Dzanyolo bilan shartnoma imzolashdan voz kechmayapti, deb yozadi jurnalist Ben Jeykobs o‘zining Twitter sahifasida.
Manbaga ko‘ra, ingliz klubi futbolchi uchun 40 million yevro taklif qilgan. Biroq rimliklar bu taklifni qabul qilishmadi, chunki ular kamida 50 million yevro olishni istashmoqda.
23 yoshli Dzanyolo o‘tgan mavsumda "Roma" safida barcha turnirlarda 42 ta o‘yinda maydonga tushib, 8 ta gol urdi va 9 ta golli uzatmani amalga oshirdi. Uning klub bilan shartnomasi 2024 yilning yoziga qadar mo‘ljallangan.