Лондоннинг “Тоттенхэм” клуби Римнинг “Рома” клуби ярим ҳимоячиси Николо Дзаньоло билан шартнома имзолашдан воз кечмаяпти, деб ёзади журналист Бен Жейкобс ўзининг Twitter саҳифасида.
Манбага кўра, инглиз клуби футболчи учун 40 миллион евро таклиф қилган. Бироқ римликлар бу таклифни қабул қилишмади, чунки улар камида 50 миллион евро олишни исташмоқда.
23 ёшли Дзаньоло ўтган мавсумда "Рома" сафида барча турнирларда 42 та ўйинда майдонга тушиб, 8 та гол урди ва 9 та голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.