"Barselona" prezidenti Joan Laporta o‘z klubining moliyaviy ahvoli haqida gapirdi. U "ko‘k-anorranglilar" yozda imzolangan barcha yangi futbolchilarni ro‘yxatdan o‘tkazishiga ishonch bildirdi.
"Oxirgi ikki oy ichida "Barselona" 868 million yevro ishlab oldi. Bu hammani hayratga soldi. Mutlaqo toza balans va daromad hisoboti mavjud. Vaziyatni teskarisiga aylantirib yubordik. Qaytarib olishimiz mumkin bo‘lgan ba’zi aktivlar bilan operasiyalarni amalga oshirdik. Hozircha hammasidan mamnunman", - dedi Laporta Marca nashri bilan suhbatda.
Kataloniyaliklar yozda jiddiy transfer kampaniyasi davrida Levandovski, Rafinya, Kunde, Kessie va Kristensenlarni qo‘lga kiritishdi.
