Angliya premyer-ligasi davom ettirilgan chempionatining birinchi turida “Fulxem” o‘z maydonida “Liverpul”ga qarshi munosib o‘ynadi. Marko Silva shogirdlari Aleksandr Mitrovichning gollari evaziga ikki marta oldinga chiqib olishdi, ammo baribir “Liverpul” mag‘lubiyatdan qutulib qoldi.
"Fulxem" himoyachisi Tim Rim o‘yindan so‘ng serbiyalik markaziy hujumchini maqtadi.
"Bunday natija bizning qobiliyatimizga ishonch bag‘ishlaydi. Mitrovich — shunchaki super o‘yinchi. U gol urar ekan, bizda hammasi yaxshi bo‘ladi, - deya futbolchining so‘zlarini keltiradi BT Sport.
APLning navbatdagi, ikkinchi turida “Fulxem” safarda “Vulverxempton” bilan o‘ynaydi.
