"Chelsi" himoyachisi Markos Alonso "Barselona"ga o‘tishga yaqin turibdi. Jurnalist Fabrisio Romanoning yozishicha, u futbolchining sog‘lig‘iga xavf tug‘dirmaslik uchun APL 1-turidan o‘rin olgan "Everton"ga qarshi o‘yin uchun qaydnomaga kiritilmagan.
31 yoshli ispaniyalikning transferi bo‘yicha klublar o‘rtasidagi muzokaralar yaxshi ketmoqda. Tomonlar kelishuv yopilishiga ishonchlari komil.
Shu bilan birga, shaxsiy shartnoma shartlari, Kataloniya klubi va Alonso bir necha oy oldin kelishib olgandi.
Alonso o‘tgan mavsumda londonliklar safida barcha musobaqalarda 46 ta o‘yinda maydonga tushib, 5 ta gol urdi va 6 ta golli uzatmani amalga oshirdi. Himoyachining klub bilan shartnomasi 2023 yilning 30 iyuniga qadar amal qiladi.
