Hujumchi Mariano Dias "Real"ni tark etishdan bosh tortmoqda.

Hujumchi uzoq vaqtdan beri Madrid klubi rahbariyatiga ketishga oid takliflarni ko‘rib chiqmasligini bildirgan. O‘shandan beri uning pozisiyasi o‘zgarmadi. Mariano shartnomada ko‘rsatilgan maoshni to‘liq olish uchun 2023 yilning yozida tugaydigan shartnomasi oxirigacha "Real"da qolmoqchi, deb yozadi Marca.

Madridda futbolchi yiliga 4,5 million yevro maosh oladi, boshqa hech bir ispan jamoasi Diasga bunchalik ko‘p taklif qila olmaydi. Bunday mablag‘ni to‘lashga qodir xorij klublari tomonidan 29 yoshli hujumchiga qiziqish yo‘q.

Mariano "Real Madrid"ga shartnomada ko‘rsatilgan summaning hech bir qismidan voz kechmasligini aytdi.

Klub bundan ajablanmayapti, chunki Mariano ketma-ket uch mavsum "Real"dagi katta maoshi tufayli ketishdan bosh tortdi. Hujumchi amalda maydonga tushmasligidan havotirda emas. "Real Madrid"da to‘rt mavsumda u bor yo‘g‘i 1907 daqiqa maydonda harakat qildi.

Karlo Anchelotti Karim Benzemaga muqobil sifatida Eden Azar, Rodrigo Goes va Marko Asensiodan foydalanmoqchi.