Niderlandiyaning NEK klubi matbuot xizmati rasmiy saytida "Valensiya" darvozaboni Yasper Sillessenning transferi haqida ma’lum qildi.
Transfer summasi bir million yevroni tashkil qildi. Darvozabon Neymegen shahri klubi bilan 2025 yilning yoziga qadar shartnoma imzoladi.
33 yoshli Sillessen aynan NEK tarbiyalanuvchisi hisoblanadi. U 2019 yildan beri "Valensiya"da o‘ynab kelayotgan edi. Umuman olganda, niderlandiyalik futbolchi ispan klubi safida barcha musobaqalarda 57 ta o‘yin o‘tkazib, 81 ta gol o‘tkazib yuborgan.
Ilgari u "Ayaks" va "Barselona"da o‘ynagan. Yasper Niderlandiya terma jamoasi safida 63 ta o‘yin o‘tkazgan. 3 karra Niderlandiya chempioni, 2 karra Ispaniya chempioni, 2 karra Ispaniya kubogi sohibi, Niderlandiya Superkubogi sohibi, Ispaniya Superkubogi sohibi.